हिउँदे अधिवेशन थौं शुरु जुइगु

व्यवस्थापिका संसदया हिउँदे अधिवेशन आइतवाः शुरु जुइत्यंगु दु । आइतवाः न्हिनेसिया स्वताः ईलय् बानेश्वरय् च्वंगु अन्तराष्ट्रिय सम्मेलन केन्द्रय् थ्व अधिवेशन च्वनेत्यंगु दु ।

अन्तरिम संसद्या थ्व न्याक्वःगु अधिवॆशन खसाः एकीकृत नेकपा (माओवादी) सरकारय् वयेधुंकालिंया निक्वःगु अधिवेशन खः । थुगु संसदयात विधेयक अधिवेशनया कथं नं स्वयेगु याः । थुगु अधिवेशनय् सरकार पाखें दर्जनौ विधेयक ह्येगु ग्वासाः ग्वयातसां आः तक निगू जकः विधेयक दर्ता यानातःगु दु ।

सरकारय् सामेल नेकपा (एमाले), मधेशी जनअधिकार फोरम व सद्भावना नापं प्रमुख विपक्षी दल कांग्रेस व तमलोपां सरकार संचालनप्रति असहमति प्वंकाः च्वंगु ईलय् जुइत्यंगु थ्व अधिवेशन सरकारया निंतिं तसकं चुनौतिपूर्ण जुइगु खनेदु ।