गणित विषयय् कार्यशाला
येँ(सन्ध्या टाइम्स)/संस्थागत विद्यालय संघ नेपाल इसानपाखें थःगु हे ज्याकुथिइ गणित शिक्षा विषयय् कार्यशाला गोष्ठी यात। ज्याझ्वलय् गणित सफू च्वयादीम्ह हुकुमप्रसाद दाहालं निमावि तहया शिक्षक शिक्षिकापिंत तालिम बियादीगु खः। वय्कलं हालया पाठ्यक्रम विषय व विद्यार्थी केन्द्रित मजूगु खँ कनादिल ।
इसानया अध्यक्ष सरोजराज गोसाईंनं कार्यशालाय् सहभागी शिक्षक शिक्षिकातय्त सहभागिताया दसिपौ लःल्हानादिल। ज्याझ्वलय् इसानया उपाध्यक्ष व तालिम संयोजक प्रेमजंग थापा श्रेष्ठं सुभाय् देछानादीगु खः ।
