वर्कर्सया सहसचिव ज्वन

किराँत जनवादी वर्कर्स पार्टीया सहसचिव हाङ्सा किराती सहति प्यम्हेसित प्रहरीं ज्वंगु दु । प्यमेसितं प्रहरीं धरान-१५ बाझगार धाःगु थासं सोमवाः बहनी ज्वंगु खः । प्रहरीं ज्वंपिं मध्ये निम्ह मिसा व छम्ह मचा नं दुगु व मचायात धाःसा मंगलवाः सुथय् त्वःतुगु दु । प्रहरीं ज्वंम्ह छम्ह मिसाया पाखे वर्कर्स पार्टीया दस्तावोजत लूगु खँ धाःगु दु । निन्हु न्ह्यः जक प्रहरीं वर्कर्सया न्याम्ह कार्यकर्तातय्त ल्वाभ सहित ज्वना सार्वजनिक याःगु खः ।

अथेहे प्रहरीं खोटङ्या रतन्छाय् च्वंगु छखे छेँय् प्रहरी पाखें थीथी इलय् लुटे यानायंकूगु ल्वाभःत सोमवा: लुइकूगु दु ।