धौख्यलय् प्रहरी व स्थानीय दथुइ तनाव

सतक दुर्घटनाय् दोषी चालकयात कारवाहीया माग यासें स्थानीयवासीतय्सं याःगु धर्नाय् प्रहरीं हस्तक्षेप याःगु दु । दोषीयात कारवाहीया माग यासें धौख्य प्रहरी ज्याकू न्ह्यने च्वंगु धर्नाय् प्रहरीं लाठी चार्ज यायेवं स्थिति तनावपूर्ण जूगु खः । स्थिति नियर्णय् कायेत प्रहरीं छगू राउण्ड अश्रुग्यास समेत क्येकूगु दु । प्रहरीया लाठीचार्जय् लानाः नीम्ह स्वयां अप्वः धाःपाः जूगु दु । घाःपा जूपिंत घौख्य अस्पतालय् वासः याकातःगु दु ।

आइतवाः सुथय् अरनिको राजमार्ग स्थित २८ कालो धाःगु थासय् ट्रिपरया ठक्करं पन्ति-१२या निछदँया बिनोद पहरी सीगु खः । पहरीया छेँजः व स्थानीयवासीतय्सं दोषी चालकयात ज्वनाः कारवाही यायेत माग यानाच्वंगु दु ।