रेल दुर्घटनाय् निम्ह सित

नेपाःया छगू जक रेलवे सेवा अन्तर्गत संचालन जुयाच्वंगु रेल दुर्घटना जुयाः निम्ह सीगु दु । भारतया जयनगर पाखें जनकपुर वयाच्वंगु रेलयात ट्रिपरं ठक्कर बियाः जूगु दुर्घटनाय् झिम्ह स्वयां अप्व घाःपाः जूगु दु । घाःपाः जूपिंत जनकपुर अञ्चल अस्पतालय् वासः याकातःगु दु ।

भारतया जयनगर पाखें जनकपुर वयाच्वंगु यात्रुवाहक रेल सोमवाः सुथय् धनुषाया पर्वाह रलेवे स्टेशन नापसं दुर्घटना जूगु खः । जनकपुर पाखें ७ किलोमिटर पूर्वय् जूगु उगु दुर्घटनाय् ट्रिपर चालकया लापरवाही खनेदुगु धासें प्रहरीं ट्रिपर चालकयात नियन्त्रणय् काःगु दु ।