ओएचसीएचआरया म्याद दच्छिया निंतिं थप

सरकारं संयुक्त राष्ट्रसंघीय मानवअधिकार उच्चायुक्त (आएचसीएचआर)या म्याद दच्छिया निंतिं थप यायेगु निर्णय याःगु दु ।

आइतवाः च्वंगु मन्त्रिपरिषद्या बैठकं ओएचसीएचआरया म्याद दच्छिया निंतिं थप यायेगु नापं न्यागू क्षेत्रीय ज्याकूयात यथावत तयेगु निर्णय याःगु दु । नेपाली कांग्रेसं लच्छि न्ह्यः ओएचसीएचआरया क्षेत्रीय ज्याकूत बन्द यायेत सरकारयात सिफारिस याःगु खःसां सरकारं उकीयात यथावत तयेगु निर्णय याःगु दु ।

अथेहे बैठकं राउटेतय्त खाद्यान्न ग्वाहालि कथं तत्काल निगू लख दां उपलब्ध याकेगु निर्णय याःगु दसाः उमिगु भत्ता नं अप्वयेकीगु निर्णय याःगु दु । थौं हे राउटेतय् छगू पुचलं प्रधानमन्त्री माधवकुमार नेपालयात नापलाना खँल्हबंला याःगु खः ।