नेवाः मृत्यु संस्कारय् गरुड पुराण बारे स्यनेकने
येँ (सन्ध्या टाइम्स)/वैदिक प्रतिष्ठानपाखें नेवाः परम्पराया मृत्य संस्कारय् यायेमाःगु गरुड पुराण सम्बन्धी स्यनेगु ज्याझ्वः जुल ।
ज्याझ्वलय् मू प्रशिक्षक व प्रतिष्ठानया संस्थापक अध्यक्ष प्रा. बलदेव जुजु व सल्लाहकार गोविन्द भक्तानन्द राजोपाध्यायपिंसं स्यनेकने यानादीगु खः ।
उपाध्यक्ष महेश्वर जुजु राजोपाध्यायया सभापतित्वय् जूगु उगु ज्याझ्वलय् ज्याझ्वःया संयोजक विष्णुधर राजोपाध्यायं लसकुस यानादीगु खः लिसें महासचिव राजेन्द्र धर राजोपाध्यायं सुभाय् बियादीगु खः ।
उगु ज्याझ्वः प्रतिष्ठानया काठमाडौं जिल्ला सम्पर्क समितिपाखें ग्वसाः ग्वःगु खः ।
