सतक दुर्घटनाय् मोटरसाइकल चालक सित

आइतवाः सुथय् धौख्लय् जूगु सतक दुर्घटनाय् छम्ह मोटरसाइकल चालक सीगु दु । धौख्यया २८ किलो धइगु थासय् आइतवाः सुथय् ट्रिपरकया ठक्करं मोटरसाइकल चालक सीगु खः । ना. ४. ख. ५१७ नम्बरया ट्रिपरं बा. २५. प. २७६ नम्बरया मोटरसाइकलयात ठक्कर नकूवलय् पन्ति खोपासीया नीछदँया विनोद पहरी सीगु खः ।

घटना लिपा स्थानीयवासीतय्सं तीव्र गतिलय् वइगु ट्रिपरया कारणं अन आपालं दुर्घटना जूगु धासें प्रहरी विरुद्ध नारावाजी याःगु खः । लिपा प्रहरी विरुद्ध कुहांवःपिं स्थानीय व प्रहरी दथुइ ल्वापु जुइवं प्रहरीं घटना नियन्त्रणय् कायेत १६ राउण्ड अश्रुग्याँस प्रहार याःगु खः । घटनाय् प्यम्ह प्रहरी, छम्ह स्थानीयवासी व निम्ह पत्रकारत घाःपाः जूगु दु ।