बालसेवा माविइ अक्षय कोष
येँ (सन्ध्या टाइम्स)/समाजसेवी मदुम्ह हिराबहादुर ताम्राकारया लुमंतिइ वय्कःया काय् म्ह्याय्पिंसं झोछेँया बालसेवा माध्यमिक विद्यालयय विद्यार्थीतय् लागिं सिरपाः तयेत छगू अक्षय कोष नीस्वंगु दु। वय्कःया काय्पिं केशरमान, इन्द्रमान व सरोजमानपाखें २०,१११ तका, म्ह्याय्पिं लक्ष्मी तुलाधरपाखें १०,००० तका व केशरी कंसाकारपाखें १०,१५० तका यानाः मुक्कं ४०,२६१ तकाया अक्षयकोष नीस्वंगु खः। थ्व कोषपाखें वइगु ब्याजं दँय्दसं छम्ह उत्कृष्ट विद्यार्थीयात सिरपाः बीगु खँ स्कूलं धाःगु दु ।
