डेलिसीं प्रधानमन्त्री नेपाल नापलात

नेपाःया निंतिं अमेरिकी राजदूत स्कट एच. डेलिसीं शुक्रवाः प्रधानमन्त्री माधवकुमार नेपालयात नापलाना खँल्हाबंला यानादीगु दु । प्रधानमन्त्रीया ज्याकू सिंहदरवारय् जूगु खँल्हाबंलाय् लिप्पांगु राजनीतिक घटनाक्रमया बारे राजदूत डेलिसीं च्यूताः प्वंकादीगु ख: । उगु इलय् प्रधानमन्त्री नेपालं राजनीतिक गतिरोध समाधानया निंतिं कुतः जुयाच्वंगु जानकारी बियादीगु ख: ।

अथेहे खँल्हाबंलाया झ्वलय् राजदूत डेलिसीं राजनीतिक दलत दथुइ ख्वाउँया च्वंगु स्वापूयात सहमतिया माध्यमं समाधान यानाः राजनीतिक गतिरोधयात याकनं निकास बीत प्रधानमन्त्री नेपालयात सुझाव बियादीगु खः ।