त्रिवेणी कम्पलेक्सय् मिं नयाः १ करोडया क्षति

येँया पुतलीसतकय् च्वंगु त्रिवेणी कम्पलेक्सय् शुक्रवाः सुथय् मिं नःगु दु । सुथय् खुताः इलय् च्याःगु मि निघौ लिपाः च्यताः इलय् जक नियन्त्रणय् वःगु ख: । स्वनिगःया स्वंगूलिं जिल्लाया बारुणयन्त्र, सुरक्षाकर्मी व स्थानीवासीतय्लं मि नियन्त्रणय् काःगु खः । प्रहरीं बिजुलीया तार सर्ट जुयाः मि च्यागु अनुमान याःगु दु ।

मि च्यानाः १ करोड बराबरया क्षति जूगु अनुमान याःगु दु । युटिएलया ज्याकू, नेपाल चिया विकास बोर्ड लगायत ज्याकूत दुगु त्रिवेणी कम्पलेक्सया खुगू तल्लाय् मिं नयाः अन दुगु भ्वँ नापं युटिएलया टावरय् नं सामान्य क्षति जूगु खँ प्रहरीं धाःगु दु ।