सिरहालय् जूगु दुर्घटनाय् निम्ह सित

पूर्व-पश्चिम राजमार्ग अन्तर्गत सिरहाया मिर्चैयालय् ट्रकया ठक्करं निम्ह मोटरसाइकल यात्रीत सीगु दु । बिहीवाः बहनी पूर्व पाखें पश्चिमय् वयाच्वंगु ना. ४. ख. १८३ नम्बरया ट्रकं स. २. प. २४९९ नम्बरया मोटरसाइकलयात ठक्कर नकूवलय् मोटरसाइकलय् सवार उदयपुर त्रियुगाया अजय तामाङ व महापूर्ण तामाङ सीगु खः । दुर्घटनाय् गम्भीर घाःपाः जूपिं निम्हेसितं मिर्चौया स्थित नर्सिङ्ग होमय् वासः याकाच्वंगु इलय् मदुगु खः ।

ट्रकया गति अत्याधिक जूगुलिं दुर्घटना जूगु खँ सिरहा प्रहरी ज्याकूथीं धाःगु दु । दुर्घटनाय् संलग्न ट्रक व चालकयात प्रहरीं नियन्त्रणय् काःगु दु ।