रामशेखरया छेँ मिं नल

ख्यालःच्वमि रामशेखर नकःमिया वाचुत्वालय् च्वंगु छेँ मिं नयाः आपालं धनजनया क्षति जुल । थौं सुथय् वय्कःया काय्चा केशव नकःमि ज्या वनेत कलाः लक्ष्मी व काय पुर्षोत्तम नापं मोटरसाइकल पिकायेत्यंबलय् चिकं ज्वयाच्वंगु खनाः छु जूगु थें धकाः स्वयाच्वंगु जुयाच्वन । वहे इलय् द्यइके वनाः लिहां वयाच्वंम्ह मांम्ह पंचमायाया पुजाभलय् च्वंगु पाल्चाया मिं पेट्रोल सालाः अन हे मि च्यायेगु शुरु जुल । उकी लानाः मोटरसाइकल नापं प्यम्हं बांमलाक घाःपाः जूगु दु । पंचमायायात काय्म्हं पिने वांछ्वया हःगुलिं वय्कःया तुति त्वःधूगु दु । केशव व लक्ष्मीयात आः बीर अस्पतालय् वासः याकातःगु दु । मिं नयाः मोटरसाइकल नापं कापः दुगु तग्वःगु सन्दू छगः ध्वस्त जूगु दु । ख्वपया दमकल थ्यंकः वःगु इलय् तक मि स्यायेधुंकूगु खः ।