विभूषण सम्बन्धी निर्णय कार्यान्वयन यायेमते : सर्वोच्च

सर्वोच्च अदालतं गणतन्त्र दिवसया लसताय् घोषणा याःगु विभूषण पदकया सम्बन्धी निर्णय तत्काल कार्यान्वन मयायेत अन्तरिम आदेश जारी याःगु दु ।

विभूषण पदक बीगु निर्णय वदर यायेत माग यासें इन्हुरेड इन्टरनेशनलं मंगलवाः दयार याःगु रिटय् बिहीवाः न्ययाधीश ताहिर अली अन्सारीया एकल इजलासं प्रधानमन्त्री व मन्त्रिपरिषदया ज्याकू नापं गृहमन्त्रालययात अज्याःगु आदेश ब्यूगु खः । रिटय् राष्ट्रपतियात विपक्षी दयेकतसां वय्कया नांमय् धाःसा आदेश जारी याःगु मदु ।

रायमाझी आयोगं दोषी ठहर याःपिंत नं विभूषण ब्यूगु व उकीया बारे मन्त्रिपरिषदय् नं सहलह मयाःगुलिं सरकारी निर्णय अवैधानिक जूगु धासें उगु निर्णय खारेजीया माग यासें इन्हुरेड इन्टरनेशनलया पाखें गोपालकृष्ण सिवाकोटी, श्रीकृष्ण सुवेदी लगायतं मंगलवाः रिट दयार याःगु खः ।