'कार्यतालिका वयेधुंकाः जक प्रमया राजनीमा'

सत्तारुढ नेपाली कांग्रेस व नेकपा (एमाले)या बैठकं शान्ति व संविधानया सुनिश्चित जुइधुंकाः जक प्रधानमन्त्री माधवकुमार नेपालं राजीनामा यायेगु निर्णय याःगु दु । निगू दलं शान्ति सुनिश्चिताया निंतिं माओवादी सेनाया समायोजन व पुनःस्थापन जुइमाःगुलिं समायोजन व पुनःस्थापनया कार्यतालिका वयेधुंकाः जक प्रधानमन्त्रीं राजीनामा बीगु खँ क्वःछिउगु खः ।

बिहीवाः प्रधानमन्त्री निवास बालुवाटारय् च्वंगु निगू दलया बैठकं शान्ति प्रकृया सुनिश्चितताया निंतिं सेना समायोजन व पुनःस्थापनाया कार्यतालिका ह्येत माओवादीयात इनाप नं याःगु दु । अथेहे बैठकय् राष्ट्रिय सहमतिया सरकार व उकीया नेतृत्व बारे नं नेता दथुइ समान्य सहलह जूगु खः ।

बैठकय् निगूलिं दलया शीर्ष नेतातय् उपस्थिति दुगु खः ।