त्रिविया शुल्क वृद्धि विरुद्ध रिट

त्रिभुवन विश्वविद्यालयं लिप्पांगु पटक याःगु शुल्क वृद्धिया निर्णय खारेज यायेमाःगु माग यासें झिंस्वंगू विद्यार्थी संगठनतय्सं बुधवाः सर्वोच्च अदालतय् रिट दायर याःगु दु ।

त्रिविं एकपक्षीय ढंगं शुल्क वृद्धि याःगु व आंगिक क्याम्पसय् शुल्कय् एकरुपता मवगु धासें उत्प्रेसणया आदेशपाखें निर्णय बदरया माग यासें रिट दायर याःगु खः । उगु रिटय् विश्वविद्यालय, रजिष्टार, त्रिविसभा व कार्यकारी परिषदया ज्याकू, उपकुलपति व शिक्षाध्यक्षयात विपक्षी दयेकातःगु दु ।

उगु रिटया निवेदकय् नेविसंघया अध्यक्ष प्रदीप पौडेल, अनेरास्ववियू अध्यक्ष रामकुमारी झाँत्री, अनेरास्ववियू (क्रान्तिकारी)या महासचिव हिमाल शर्मा लगायत दु । त्रिविं वंगु कात्तिक १८ गते झिंच्यादँ लिपा शिक्षण शुल्क अप्वयेकूगु खः ।