सेना समायोजन समितिया बैठक स्थगित

थौं च्वनेगु धाःगु सेना समायोजन विशेष समितिया बैठकय् माओवादी लगायत दलत अनुपस्थित जुइवं स्थगित जूगु दु । न्हिनय् ४ बजे प्रधानमन्त्रीया ज्याकू सिंहदरवारय् सःतुगु बैठकय् माओवादी, मधेशी जनअधिकार फोरम (लोकतान्त्रिक) व तराई मधेश लोकतान्त्रिक पार्टी अनुपस्थित जूगु खः । माओवादीं राष्ट्रिय राजनीतिया कारण क्यसें बैठकय् अनुपस्थित जूगु खः । माओवादीं प्रधानमन्त्रीया राजीनामा मवेकं च्वनीगु बैठकया छुं नं औचित्य मदइगु खँ धाःगु दु ।