दोलखाय् झिम्ह तिब्बतीतय्त ज्वन

चीनाया सीमा नाप स्वाःगु दोलखाया लामावगर नाका जुयाः अवैधरुपं नेपाः दुहांवःपिं झिम्ह निब्बती नागरिकतय्त बुधवाः प्रहरीं ज्वंगु दु । लामावगर नाका जुयाः येँय् वयेत्यंगु इलय् प्रहरीं सदरमुकाम चरिकोटया सातदोवटोय् स्वम्ह मिसात नापं झिम्ह तिब्बतीतय्त ज्वंगु खः ।

बुधवाः न्हिनय् झिंनिताः इलय् ज्वंपिं झिम्ह तिब्बतीतय्त जिल्ला प्रहरी ज्याकू दोलखाय् तयातःगु दु । छुं ई लिपा उमित अध्यागम विभागय् लःल्हाइगु खँ प्रहरीं धाःगु दु । लिप्पांगु इलय् लामावगर नाका जुयाः अवैध रुपं नेपाः दुहांवइपिं तिब्बतीतय् ल्याः अप्वयावंगु दु ।