राजीनामा बारे गोप्य सहमति जूगु मदु : ओली

नेकपा (एमाले)या वरिष्ठ नेता केपी शर्मा ओलीं प्रधानमन्त्रीया राजीनामाया सम्बन्धय् स्वंगू दलत दथुइ छुं नं गोप्य सहमति मजूगु दावी यानादीगु दु । वय्कलं माओवादीं तत्काल प्रधानमन्त्रीया राजीनामा माग यानाः स्वंगू बुँदे सहमतिया पालना मयागु द्वपं नं बियादिल ।

भारतय् वासः याकाः मंगलवाः येँय् लिहांझायादीम्ह ओलीं त्रिभुवन विमानस्थलय् पत्रकारत नाप खँल्हाबंला यानादिसें माओवादीं न्हापा याःगु सहमति कार्यान्वयन यायेधुंकाः जक प्रधानमन्त्रीया राजीनामा वइगु धयादिल । वय्कलं माओवादी न्हापा जूगु सहमति व सम्झौता कार्यान्वया मयासाः माओवादी नाप सहकार्य मजुइगु ख्याच्वः बियादिल ।

अथेहे वय्कलं भारतय् थः स्वास्थ्य उपचारया निंतिं वनागुलिं सुं नं भारतीय नेतात नाप खँल्हाबंला मजूगु दावी यानादिल ।