प्रचण्डया छेँय् गोली चलेजुल

एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड'या येँया न्हू बजारय् च्वंगु छेँय् मंगलवाः गोली चलेजूगु दु । अन सुरक्षाय् खटे जूपिं माओवादी सेनां तयातःगु ल्वाभःया गोली चलेजूगु खः । सुरक्षा ड्युटी हिलेत्यंगु इलय् माओवादी सेनाया असावधानीया कारणं ल्वाभः कुतुवनाः गोली चलेजूगु खः । निगः गोली चलेजुयाः छुं मानवीय क्षति मजूगु व गोली पखलय् न्या:वंगु खः । गोलीया सः तायेवं अन प्रहरी वनाः स्थितिया बारे जानकारी काःगु खः ।