परियत्ति विद्यार्थीतय्त सिरपाः
यल (सन्ध्या टाइम्स)/यलया झिंनिगू विहारया मंकाः ग्वसालय् जूगु न्वचु कासा व परियत्ति शिक्षाय् ताःलाःपिंत सिरपाः लःल्हायेगु ज्या जुल। ज्याझ्वलय् यल उपमनपाया पुलांम्ह मेयर बेखारत्न शाक्य व समाजसेवी मोतिलाल शिल्पकारं सिरपाः लःल्हानादीगु खः। ज्याझ्वलय् वय्कःपिंसं मस्तय्त शुरुंनिसें हे खःगु लँपुइ यंकाः बांलाःम्ह नागरिक दयेकेगु खःसा उमित परियत्ति शिक्षा नं अनिवार्य रुपं बीमाःगु बिचाः प्वंकादिल ।
ज्याझ्वलय् विष्णु शाक्य, ज्ञान कुमार महर्जन, तुल्सीलाल महर्जनपिंसं नं नुगःखँ तयादीगु खः। अथे हे थेच्वया बेलुवनाराम परियत्ति केन्द्रपाखें परियत्ति जाँच बियाः ताःलाःपिं विद्यार्थीतय्त समाजसेवी मोतिलाल शिल्पकारं
प्रेरणा सिरपाः लःल्हानादिल। बुद्ध जयन्तीया लसताय् वेलुवनाराम विहारया ग्वसालय् जूगु ज्याझ्वलय् उगु सिरपाः लःल्हानादीगु खः। कृष्ण बहादुर महर्जनया सभापतित्वय् उगु ज्याझ्वः जूगु खः ।
