सभासद् पासवानं भत्ता लितबिल

दलित जनजाति पार्टीया सभासद् विश्वेन्द्र पासवानं संविधानसभाया निदँया कार्यकालय् कयादीगु १ लख २० हजार ७ सय तकाः ध्यबा: मंगलवाः लितबियादीगु दु । निदँया दुने संविधान च्वये मफुइ अवस्थाय् जनताया चःतिं प्राप्त जूगु भत्ता कायेगु उपयुक्त मजूगु धासें ध्यबाः लितबियादीगु खः । वय्कलं नेपाल राष्ट्र बैंक व एभरेष्ट बैंकय् लःल्हाःगु ध्यबाया भौचर संसद सचिवालय्लय् बियादीगु दु । नापं वय्कलं मेपिं सभासद्तय्त नं भत्ता लितबीत इनाप यानादीगु दु ।