श्रेष्ठया स्थिति सार्वजनिक यायेत सरकारया ध्यानाकर्षण

नेपाल चिकित्सक संघं झिंस्वन्हु न्ह्यः निसें बेपत्ता जुयादीम्ह बिपि कोइराला क्यान्सर अस्पतालया कार्यकारी चिकित्सक डा. भक्तमान श्रेष्ठया अवस्था सार्वजनिक यायेत सरकारया ध्यानकर्षण याःगु दु ।

चिकित्सक संघया अध्यक्ष डा. केदारनरसिंह केसीया नेतृत्वय् वंगु चिकित्सकतय् छगू पुचलं गृहमन्त्री भीम रावलयात नापलानाः श्रेष्ठया अस्वथा याकनं सार्वजनिक यायेत इनाप याःगु खः । उगु इलय् मन्त्री रावलं सरकारं दक्वं उपलब्ध श्रोत साधनयात छ्यलाः श्रेष्ठयात मालेगु ज्या यानाच्वंगु धयादिसें श्रेष्ठया अवस्था याकनं सार्वजनिक जुइगु आश्वासन बियादिल ।