स्वक्वःगु जरिमैंया सिरपाः लःल्हात
नेपाल साहित्य मन्दिरं दँय्दसं नेपालभाषाया मिसा प्रतिभायात बीगु याना वयाच्वंगु स्वक्वःगु जरिमैंया लुमन्ति सिरपाः सनिवाः छगू समारोहया दथुइ प्रा. प्रेमशान्ति तुलाधरयात लःल्हात । भाषाथुवाः रमापतिराज शर्मां झिद्वः तका दां व सम्मानपत्र सहितया उगु सिरपाः लःल्हानादीगु खः ।
जेसीज इँग्लिस स्कूल इन्द्रायणी पीठय् जूगु ज्याझवलय् सिरपाःया दाता कुमार साखं दां लःल्हानादिल । ज्याझवलय् साहित्यकार तेजेश्वरबाबु ग्वंगः, सिरपाःया दाता कुमार साखः व धु्रब मधिकर्मिपिंसं सिरपाः व सिरपाःया दाताया बारे थीथी खँ कनादीगु खः । थ्वयां न्ह्यः थुगु सिरपाः मिसा च्वमिपिं प्रतिसरा साय्मि व शशिकला मानन्धरयात बीधुंकूगु दु ।
