नेटवर्क व्यवसाय सुचारु यायेत सर्वोच्च पाखें अन्तरिम आदेश

सर्वोच्च अदालतं नेटवर्क कम्पनीतय्त कारोवार सुचरु यायेत अन्तरिम आदेश जारी याःगु दु । नेटवर्क व्यवसाय सञ्चालनय् रोक लगे यायेगु सरकारी निर्णय विरुद्ध लाःगु रिटय् सर्वोच्चं आइतवाः अन्तरिम आदेश जारी याःगु खः ।

न्ययाधीशत खिमराज रेग्मी व तपबहादुर मगरया मंकाः इजलासं नेटवर्क व्यवसाय सञ्चालन यायेगु प्रमाणपत्र वाणिज्य विभाग पाखें दुगु धासें बन्द यःसा आर्थिक क्षतियात ध्यानय् तयाः अन्तरिम आदेश जारी यायेमाःगु खँ धाःगु दु ।

वाणिज्य व आपूर्ति मन्त्रालयं २०६७ जेठ १० गते वस्तु बिक्रि वितरण नाप सम्बन्धित नेटवर्क व्यवसाययात प्रतिबन्ध याःगु खः । मन्त्रालयं उगु व्यवसायं अधिकांश जनता ठगे जूगु धासें अज्याःगु व्यवसाययात प्रतिबन्ध याःगु खः ।