ओली दिल्ली प्रस्थान
शुक्रवा: बहनी प्रमुख स्वंगू दलतय् दथुइ सहमति यायेत निर्णायक भूमिका म्हितादीम्ह नेकपा (एमाले)या वरिष्ठ नेता केपी शर्मा ओली आइतवाः दिल्ली प्रस्थान यानादीगु दु ।
दिल्ला प्रस्थान याये न्ह्यः त्रिभुवन अन्तर्राष्ट्रिय विमानस्थलय् पत्रकारत नाप खँल्हाबंला यानादिसें ओलीं प्रधानमन्त्रीया राजीनामा व राष्ट्रिय सहमति निर्माण यायेगु ज्या नापनापं जुइगु धयादिल । वय्कलं धयादिल, 'स्वंगू दलया दथुइ जूगु स्वंगू बुँदाय् जूगु सम्झौताया अर्थ सहमतिया यात्राय् वनाः राष्ट्रिय सहमतिया सरकार निर्माण यायेगु खः ।'
वय्कलं थः दलत दथुइ याकनं हे सहमति जुइमाः धइगु पक्षय् दुगु धयादिसें राष्ट्रिय सहमतिया आधारय् हे न्हूगु सरकारया नेतृत्व सुनां याइगु बारे निर्णय जुइगु धयादिल ।
नियमित वासः याकेत दिल्ली झायादीम्ह ओलीं अन भारतीय नेतात नं नापलाइगु खँ धाःगु दु ।
