केदार सितुयात बुद्धि-पूर्ण सिरपाः

येँ (सन्ध्या टाइम्स)/बाखंच्वमि लक्ष्मण राजवंशी व वय्कःया छेँजःपिंसं पलिस्था याःगु बुद्धि-पूर्ण सिरपाः बाखं च्वमि केदार सितुयात लःल्हाइगु जूगु दु। अथे हे बुद्धि-पूर्ण सम्मान जिथिम्ह बाखं च्वमि प्रकाश प्रधानांगयात लःल्हाइगु जूगु दु ।

थ्वहे वइगु जेठ २२ गते छगू ज्याझ्वः यासें उगु सिरपाः लःल्हाइगु ग्वसाः दु। नेपालभाषाया बाखं बिधा च्वन्ह्याकेगु ताः तयाः भाजु राजवंशीं थः मां व अबुया लुमंतिइ उगु सिरपाः पलिस्था यानादीगु खः ।