चितवन बन्दं जनजीवन प्रभावित
येँ (सन्ध्या टाइम्स)/भरतपुरया विपि कोइराला क्यान्सर अस्पतालया कार्यकारी निर्देशक डा. भक्तमान श्रेष्ठया अवस्था तत्काल हे सार्वजनिक यायेमाःगु माग यासें चितवनय् क्रियाशिल राजनीतिक पार्टी लगायत डा. भक्तमान बचाउ अभियानं मंकाः कथं चितवन बन्द आह्वान याःगुलिं थौं सुथंनिसें हे अनया जनजीवन प्रभावित जूगु खः। डा. श्रेष्ठ बेपत्ता जूगु झिंनिन्हु क्यंगु न्हि कुन्हु लाकाः सरकार व प्रशासनयात दवाव बीगु नितिं उगु बन्द याःगु खः ।
बन्द आह्वानयासें थीथी राजनीतिक पार्टी नापं अभियानया कार्यकर्तात थौं सुथंनिसें हे अनया दुवाः दुवातय् मुनाः विरोध प्रदर्शन यानाच्वंगु दु। बन्द आह्वान यानातःगुलिं यातायात, कलकारखाना, शिक्षण संस्था फुक्कं बन्द जूगुलिं अनया जनजीवन प्रभावित जूगु खः ।
