सहमतिया स्पष्ट कार्ययोजना दयेकीगु

प्रमुख स्वंगू दलया शीर्ष नेतात दथुइ शुक्रवाः बहनी जूगु स्वंगू बुँदे सहमतिया स्पष्ट कार्ययोजना दयेकीगु जूगु दु । आइतवाः च्वंगु शीर्ष नेतातय् बैठकय् सहमतियायत स्पष्ट कार्ययोजना सहित कार्यान्वयन यायेगु विषयलय् सहलह जूगु खः ।

संविधानसभा भवनय् माओवादी, कांग्रेस व एमालेया शीर्ष नेतातय् बैठकय् दलत दथुइ जूगु सहमतियात थःथःगु कथं व्याख्या जूयाच्वंगुलिं उकी एकरुपता हयेगु विषयलय् सहलह जूगु खः । अथेहे बैठकय् राष्ट्रिय सरकार निर्माण नापं संविधान निर्माण व सेना समायोजनाया कार्यतालिका दयेकाः न्ह्याः वनेगु बारे नं सहलह जूगु खः ।

स्वंगू दलया शीर्ष नेतातय् मेगू बैठक सोमवाः न्हिनय् हानं च्वनीगु जूगु दु ।