संविधान संशोधन विधेयक दुई तिहाइ बहुमतं पारित

व्यवस्थापिका संसदया बैठक शुरु । थुगु बैठकं संविधानसभाया म्याद थप याइगु ज्याझ्व: दु ।

- माओवादीया देव गुरुङ व सद्भावनाया सरिता गिरीं पेश यानादीगु विरोधया सूचंया बारे गुरुङ व गिरी पाखें संसदयात जानकारी ।
- गुरुङं दलत दथुइ सहमति बिना संविधान निर्माण बिना यायेमफइगु जूगुलिं राष्ट्रिय सहमति यायेगु निंतिं विरोधया सूचं पेश याना:गु तर आ: प्रमुख दलत दथुइ सहमति जूगुलिं विरोधया सूचं लितकयागु जानकारी ।
- गिरीं सरकारं निदँया दुने छाय् संविधान निर्माण मजूगु बारे स्पष्ट मयागु व दच्छिया दुने हानं संविधान निर्माण यायेगु स्पष्ट कार्यसूची मजूगु कारणं विरोधया सूचं पेश याना:गु जानकारी ।
- कानुन मन्त्री प्रेमबहादुर सिंहं विस्तृत शान्ति सम्झौता व जनआन्दोलनया उपलब्धी संस्थागत यायेत अझं संविधानसभाया ई दच्छिया निंतिं थप यायेमा:गुलिं अन्तरिम संविधानया च्याक्व:गु संशोधन विधेयक पेश यायेमा:गु जानकारी ।
- कानुन मन्त्री प्रेमबहादुर सिंहं संविधानसभाया म्याद थप यायेत अन्तरिम संविधानया च्याक्व:गु संशोधन विधेयक पेश यानादिल ।
- माओवादी सभासद पोष्टबहादुर बोगटीं ६२ व ६७ निगू नियम निलम्बनया प्रस्ताव यानादीगु दु । थुकी एमालेया भीमप्रसाद आचार्यं समर्थन ।
- नियम निलम्बनया प्रस्ताव सर्वसम्मतं पास ।
- संसदया न्हापांगु बैठक क्वाचाल । झिगू मिनेट लिपा मेगू बैठक च्वनीगु ।

निगूगु बैठक शुरु
- दफावार सहलह यायेत पेश या:गु प्रस्ताव सर्वसम्मतं पास ।
- दफावार सहलहलय् न्ववायेगु झ्वलय् राप्रपा नेपालया चन्द्रबहादुर गुरुङं संशोधन विधेयकया विपक्षय् मतदान यायेत इनाप ।
- दफावार सहलहलय् जूगु खँया लिस: बियादिसें कानुन मन्त्री प्रेमबहादुर सिंहं लिस: बियादिल । संविधानसभा पाखें हे संविधान निर्माण यायेमा:गु धयादिसें राष्ट्रिय सहमति याना: थुकीयात पारित यायेत इनाप ।
- कानुन मन्त्री प्रेमबहादुर सिंहं नेपा:या अन्तरिम संविधानया च्याक्व:गु संशोधन २०६७ पारित यायेत प्रस्ताव पेश यानादिल ।
- संविधान संशोधन प्रस्तावय् जूगु मतदानय् ५८५ सभासद्तय्सं ब्वति का:गु दु । संशोधन प्रस्तावया पक्षय् ५८० मत कुतुवंगु दुसा: विपक्षय् ५ मत जक ला:गु दु ।

संसदया बैठक सोमवा: तकया निंतिं स्थगित ।