संविधानसभा भवनय् नाराबाजी

संविधानसभाया ई थप यायेगु बारे प्रमुख दलत दथुइ सहमति जुइमफयाच्वंगु इलय् अधिकांश दलया मिसा सभासदतय्सं संविधानसभा बैठक स्थलय् नाराबाजी यानाच्वंगु दु । संविधानसभा विघटन यायेमदुगु धासें शीर्ष नेतातय्त दवाब बीगु ताः तयाः मिसा सभासद्तय्सं नाराबाजी यानाच्वंगु दु । उकी समर्थन प्वंकूसें आः मिजं सभासद्तय्सं नं नाराबाजी यायेगु ज्या शुरु जूगु दु ।

अथेहे माओवादीया मिसा सभासदतय्सं नं नारावाजी शुरु याःगु दु । माओवादीया सभासद्तय्सं प्रधानमन्त्रीं राजीनामा बीमाःगु माग यासें नारावाजी यानाच्वंगु दु ।