सरकारं राजीनामा बीमाः : आचार्य
नेपाली कांग्रेसया नेता नरहरि आचार्यं राष्ट्रिय सहमतिया निंतिं वर्तमान सरकारं राजीनामा बीमाःगु खँ धायदीगु दु । वय्कलं संविधानसभाया म्याद थप जुसां मजुसां वर्तमान सरकारया औचित्य समाम्पत जूगु दावी यानादिल ।
संविधानसभा भवन न्ह्यने शुक्रवाः थःम्हं तयार याःगु न्हूगु संविधानया मस्यौदा सार्वजनिक यानादिसें वय्कलं सरकारया औचित्य सिधःगुलिं सरकारं राजीनामा बीमाःगु धयादिसें देय्यात राजनीतिक संकट पाखें निकास बीत नं प्रमया राजीनामा आवश्यक जूगु धयादिल ।
वय्कलं तयार याःगु संविधानया मस्यौदाय् प्रधानमन्त्री प्रत्यक्ष निर्वाचन पाखें निर्वाचित जुइगु व्यवस्था यानातःगु दु । प्रधानमन्त्रीया कार्यकाल प्यदँ जुइ व अवाश्यक जुसाः दच्छि थप यायेफइगु प्रावधान दु ।
अथेहे मस्यौदाय् खुदँया कार्यकाल दुगु अलंकारिक राष्ट्रपतिया व्यवस्था यानातःगु दु । उकी कर्णाली, गण्डकी, सगरमाथा, श्रजंगा, सिम्रोनगौड व लुम्बिनी नां बियाः खुगू संघीय प्रदेशश दुथ्याकातःगु दु ।
