बुद्धया बारे गलत प्रचार जूगु प्रति महासंघया आपत्ति

‍नेपाल आदिवासी जनजाति महासंघं बुद्ध भारतय् जन्म जूगु धका: जुयाच्वंगु प्रचारया विरोध याःगु दु । महासंघं अज्याःगु प्रचारया विरोध यासें बुद्ध जयन्तीया लसताय् बिहीवाः भारतीय राजदूतावासय् ज्ञापनपत्र लःल्हाःगु दु । ज्ञापनपत्रय् नेपालय् बुद्ध जन्म जूगु प्रमाण व इतिहासत दुसां थीथी भारतीय संचार माध्यमं बुद्ध भारतय् जन्म जूगु धकाः नियोजित रुपं गलत प्रचार यानाच्वंगु खँ प्रति भारतया ध्यानाकर्षण याकूगु दु । महासंघं ज्ञापनपत्र नापं सांकेतिक रुपं बुद्धया नेपाली नागरिकता नं लःल्हाःगु खः । अथेहे महासंघं बुद्ध जयन्तीया लसताय् थौं येँय् शान्ति पदयात्रा नं पिथंगु ख: ।