राष्ट्रपति पाखें सहमतिया निंतिं इनाप

राष्ट्रपति डा. रामवरण यादवं प्रमुख स्वंगू दलया शीर्ष नेतात नाप खँल्हाबंला यानादीगु दु । बिहीवाः सुथय् न्हय्तात्याः इलय् राष्ट्रपति भवन शितल निवासय् राष्ट्रपति यादवं माओवादी, कांग्रेस व एमालेया शीर्ष नेतात नाप खँल्हाबंला यानादीगु खः ।

वय्कलं देय् तकसं गम्भीर मोडय् थ्यंगु व थुकीं बचे यायेत नेतातय्त इनाप यानादीगु खः । वय्कलं सहमतिया विकल्प मदुगु धयादिसें दलतय्त सहमति यानाः देय्यात दुर्घटना पाखें बचे यायेत इनाप यानादीगु ख: ।

संविधानसभाया म्याद क्वचायेत छन्हू जक ल्यं दनीगु इलय् राष्ट्रपतिं सहमतिया आधारय् संविधानसभाया म्याद थप यायेत इनाप यानादीगु खः । उगु इलय् स्वंगुलिं दलया नेतातय्सं थःपिं सहमतिया निंतिं कुतः यानाच्वनाःगु व देय्यात दुर्घटनाय् वनेमबीगु खँ धाःगु खः ।