'म्याद थपया विषययात जिगु राजीनामा नाप स्वायेमते'

स्वंगू दलया शीर्ष नेतातय् बैठक च्वने न्ह्यः प्रधानमन्त्री माधवकुमार नेपाल व एनेकपा (माओवादी)या अध्यक्ष पुष्पकमल दाहाल 'प्रचण्ड' दथुइ खँल्हाबंला जूगु दु । बुधवाः न्हिनय् एमाले नेता कृष्णलाल महर्जनया यल बालकुमारीलय् च्वंगु छेँय् जूगु खँल्हाबंलाय् स्वंगू दल दथुइ जुइगु बैठकय् सहमति यायेगु विषयलय् केन्द्रीत जूगु खः ।

खँल्हाबंलाया झ्वलय् प्रधानमन्त्री माधवकुमार नेपालं संविधानसभाया म्याद थपया विषययात थःगु राजनीमा नाप स्वानाः मस्वयेत इनाप यानादीगु खः । लिसःलय् प्रचण्डं राष्ट्रिय सहमति कायम यायेत प्रधानमन्त्रीं राजीनामा यायेमाःगु धयादिसें राजीनामा बियाः सहमतिया लँपु चायेकेत प्रधानमन्त्रीयात इनाप यानादीगु खः ।

निम्ह नेतात दथुइ घौच्छि खँल्हाबंला जुसां राष्ट्रिय सहमति निर्माणया बारे छुं सहमति धाःसा जुइमफुत ।