नेवाः आन्दोलनया समाचार ग्व?
येँ (सन्ध्या टाइम्स)/नेवाःतय्सं याइगु आन्दोलन सम्बन्धी समाचारयात थाय् मबिउगु खँयात कयाः थौं नेवाः स्वायत्त राज्य मंकाः संघर्ष समितिं गोरखापत्र संस्थानया अध्यक्ष विजय चालिसेयाथाय् डेलिगेशन वन। उगु इलय् समितिया नायः नरेशवीर शाक्यं ज्ञापनपत्र लःल्हानादीगु खः ।
डेलिगेशनय् मल्ल के. सुन्दर लगायत समितिया मेपिं नं दुजःपिनि उपस्थिति दुगु खः। समितिं आः मेमेगु संचार माध्यमय् नं ज्ञापनपत्र बीगु ज्याझ्वः दयेकूगु दु ।
संघर्ष समितिपाखें थ्वहे वइगु जेठ १८ गते हाकुगु न्हि हनेगु झ्वलय् थीथी ज्याझ्वःत यायेगु तयारी यानाच्वंगु दु ।
