वर्ल्ड नेवाः अर्गनाइजेशनया चिउताः

येँ (सन्ध्या टाइम्स)/नेपालय् जुयाच्वंगु राजनीतिक अन्यौलयात कयाः विश्वया थीथी देशय् च्वंपिं नेवाःतय्सं स्वनातःगु संस्था वर्ल्ड नेवाः अर्गनाइजेशनं चिउताः प्वंकूगु दु। संस्थां छगू विज्ञप्ति पिकासें नेपालय् जुयाच्वंगु आन्दोलन व अन्यौलं नेवाः राज्यय् च्वंपिं नेवाःतय् जनजीवनय् लिच्वः लानाच्वंगुलिं थुकियात तुरुन्त ज्यंकेमाः धाःगु दु। नेवाः स्वायत्त राज्य मंकाः संघर्ष समितिं यानाच्वंगु ज्यायात समर्थन यासें नेवाः राज्य याकनं गठन यायेत नं इनाप यानातःगु दु ।