स्वंगू दलया बैठक हानं न्याताः इलय् च्वनीगु

बुधवाः सुथय् च्वंगु स्वंगू दलया बैठक न्याताः ई तकया निंतिं स्थगित याःगु दु । संविधानसभा भवनय् च्वंगु बैठकय् प्रधानमन्त्री माधवकुमार नेपालं मेमेगू दल नाप थप सहलह व आन्तरिक गृहकार्यया निंतिं ई फ्वनेवं न्यातः ई तकया निंतिं बैठक स्थगित याःगु खः ।

माओवादी उपाध्यक्ष नारायाणकाजी श्रेष्ठ 'प्रकाशं' प्रधानमन्त्री नेपालं दलत नाप थप सहलह व गृहकार्यया निंतिं ई फ्वंगुलिं सनिलय् तकया निंतिं बैठक स्थगित यानाःगु कनादिल ।

बुधवाः सुथय् च्याताः इलय् च्वनीगु धाःगु बैठक झिताः इलय् जक च्वंगु खः ।