ख्वपय् निगू विद्यार्थी संगठन दथुइ ल्वापु
ख्वपय् च्वंगु सानोठिमी क्याम्पसय् एनेकपा (माओवादी)या भातृसंगठन अनेरास्ववियु (क्रान्तिकारी) व नेपाल मजदुर किसान पार्टीया नेपाल क्रान्तिकारी विद्यार्थी संघ दथुइ बुधवाः ल्वापु जूगु दु । कजेलं बीगु छात्रवृतिया विषयलय् कयाः निगू विद्यार्थी संगठन दथुइ जूगु ल्वापुइ लाना झिंन्हय्म्ह घाःपाः जूगु दु ।
स्वतन्त्र विद्यार्थी युनियनं एकपक्षीय रुपं अनेरास्ववियु क्रान्तिकारी विद्यार्थीतय्त छात्रवृति ब्यूगु धकाः क्रान्तिकारी संघं द्वपं ब्यूगु खः । स्ववियुं एकपक्षीय रुपं छात्रवृति ब्यूगु विरोधय् विज्ञप्ती पिकागुलिं माओवादी समर्थित विद्यार्थी संगठनं थःपिंत आक्रमण याःगु द्वपं नेपाल क्रान्तिकारी संघं ब्यूगु दु ।
उखे अनेरास्ववियु (क्रान्तिकारीं) नेपाल क्रान्तिकारी विद्यार्थी संघं घरेलु ल्वाभः ज्वनाः थःपिंत आक्रमण यागुलिं ल्वापु जूगु दावी याःगु दु । ल्वापुइ लाना नेमकिपा समर्थित झिंनिम्ह विद्यार्थीत घाःपाः जूगु दुसाः न्याम्ह माओवादी समर्थित विद्यार्थीत घाःपाः जूगुदु ।
