प्याकेजय् हे सहमति : कांग्रेस
नेपाली कांग्रेसं दक्वं समस्याया समाधान प्याकेजय् हे यायेमाःगु अडान कायम याःगु दु । स्वंगू दल दथुइया बैठक च्वने न्ह्यः च्वंगु कांग्रेस केन्द्रीय समिति व पदाधिकारीतय् बैठकं संविधानसभाया म्याद थप लगायात विषयया बारे प्याकेजयय् हे सहमति यायेमाःगु अडान काःगु खः ।
बुधवाः सुथय् पार्टी कार्यवहाक सभापति सुशील कोइराला निवास महाराजगंजय् च्वंगु बैठकय् न्ववापिं नेतातय्सं माओवादीं अझ नं छेँबुँ लितबीगु, वाइसीयल अर्धसैन्य संरचना भंग याये थंज्याःगु ज्याय् सहमति मप्वंकूगु धासें अज्याःगु खँय् सहमति मजुइकं कांग्रेसं थप लचकता क्यनेमज्यूगु बिचाः प्वंकूगु खः ।
अथेहे कांग्रेसं माओवादीयात सरकारया राजनीमा व संविधानसभाया म्याद निगू विषययात स्वानाः मस्वयेत इनाप यासें म्याद थपया निंतिं लचकता क्यनेत इनाप याःगु दु । बैठकय् कार्यवहाक सभापति कोइराला, संसदीय दलया नेता रामचन्द्र पौडेल, महामन्त्री विमलेन्द्र निधिं स्वंगू दल दथुइया बैठकया बारे नेतातय्त जानकारी बियादीगु खः ।
