थनिनिसें जनजातितय् अनिश्चितकालीन धर्ना
नेपाल आदिवासी जनजाति महासंघं देय् गम्भीर संकटय् लायेत्यंगु धासें शान्ति व आदिवासी जनजातितय् अधिकार सुनिश्चित जूगु न्हूगु संविधानया निंतिं संविधानसभा भवन न्ह्यने अनिश्चितकाली धर्ना बीत्यंगु दु ।
महासंघया मंगलवाः सुथय् च्वंगु आकस्मिक बैठकं दलत दथुइया असहमतिं देय् संकटय् लायेत्यंगु ठहर यासें थौं न्हिनय् स्वताः इलंनिसें धर्ना च्वनीगु ज्याझ्वः दयेकूगु खः ।
संविधान विघटन जूसाः दक्वं पीडित, आदिवासी जनजाति, सिमान्तकृत, मधेशी, दलित, मस्लिम व अल्पसंख्यक जातितय् हित जुइमफइगु खँ महासंघं धाःगु दु । थुगु वर्गयात हे संविधानसभा मार्फत न्हूगु संविधानसभा माःगु धासें संविधासभाया विघटनं थ्वहे समुदाययात लिच्वः लाकीगु ठहर महासंघं याःगु दु ।
अथेहे महासंघं आदिवासी जनजाति, सिमान्तकृत, मधेशी, दलित, मस्लिम, अल्पसंख्यक जाति, पिछडा वर्ग, मिसा नापं विपन्न वर्गया चाहना मुताबिकया न्हूगु संविधान निर्माण यायेमाःगु माग नं याःगु दु ।
