माओवादी हानं युद्धया तयारीलय् लगे जूगु महतया द्वपं

नेपाली कांग्रेसया केन्द्रीय दुजः डा. रामशरण महतं माओवादी हानं युद्धया तयारीलय् लगे जूगु द्वपं बियादीगु दु । वय्कलं माओवादी संविधानसभाया म्याद थप मयासें युद्धया तयारीलय् लगे जूगु दावी यानादिल ।

नेपाल प्रेस युनियन सप्तरीया प्यक्वःगु जिल्ला अधिवेशनया सोमवाः उल्लेज्या यानादिसें महतं संविधानसभाय् दकलय् तःधंगु दल माओवादी संविधानसभाया म्याद थप यायेगु पक्षय् खनेमदुगुलिं युद्धय् लिहांवनेत्यंगु प्रष्ट रुपं खनेदुगु धयादिल ।

वय्कलं माओवादीं आ: तक नं युद्धकालया सैन्य संरचनायात कायम याःगु धयादिसें सैन्य संरचना भंग व छेँबुँ लितमबीकं माओवादी नाप सहकार्य जुइमफइगु धयादिल । वय्कलं माओवादीयात नागरिक पार्टीलय् रुपान्तरण जुइत इनाप नं यानादिल ।