पलिस्थाया बाखं मुँज्या
येँ (सन्ध्या टाइम्स)/पलिस्थापाखें वंगु शनिवाः छगू ज्याझ्वःया दथुइ बाखं गोष्ठी जुल। पलिस्थाया २३ क्वःगु साहित्यिक ज्याझ्वः कथं उगु गोष्ठी जूगु खः ।
ज्याझ्वलय् नेपालभाषाया बाखं च्वमिपिं मथुरा साय्मि, लक्ष्मण राजवंशी, रीना तुलाधर, नजरराम महर्जन, अगीब बनेपाली, मीना वज्राचार्यपिंसं बाखं ब्वनादीगु खः।
बाखं च्वमि राजा शाक्यया सभापतित्वय् जूगु उगु ज्याझ्वलय् ब्वंगु बाखंयात कयाः समालोचक इन्द्र मालीं समीक्षा यानादीगु खः ।
मुँज्याय् जनकवि दुर्गालाल श्रेष्ठ, मथुरा साय्मि, लक्ष्मण राजवंशी, राजा शाक्यपिंसं नेपालभाषाया समसामयिक बाखं लेखनया अवस्थायात कयाः न्ववानादीगु खः ।
ज्याझ्वः नेपाल आदर्श मावि गणबाहाःया सभाकक्षय् जूगु खः ।
