ग्याँस सिलिण्डर मुयाः स्वम्ह सित

येँया विजेश्वरीलय् सोमवाः ग्याँस सिलिण्डर मुयाः स्वम्ह सीगु दुसाः प्यम्ह गम्भीर घाःपाः जूगु दु । वडा नं १५ विजेश्वरीलय् छेँ जुम्ह धर्मरन्त शाहीया छेँय् बालं च्वनाच्वंगु छकू कोठाय् ग्याँस सिलिण्डर मुयाः मि च्यायेवं स्वम्ह घटनास्थलय् हे सीगु खः ।

घटनाय् लाना रामेछाप सैंपु-३या नीन्हय्दँया सीता नेपाली, वय्कया प्यदँया काय् रमित नेपाली व दच्छि दुम्ह म्हायाय् रमिला नेपाली सीगु खँ प्रहरी प्रभाग स्वयम्भुं धाःगु दु । अथेहे घटनाय् स्वीन्यादँया रुद्र नेपाली, स्वीन्यादँया हे गीता विष्ट, नीन्हय्दँया दिलमाया लामा व झिंन्यादँया विशाल लामा गम्भीर घाःपाः जूगु दु । घाःपाः जूपिं प्यम्हेसितं वीर अस्पतालय् वासः याकातःगु दु ।
०००००