जन्ती ज्वनाः वःगु भ्यान दुर्घटना
आइतवाः बहनी जन्ती ज्वनाः वःगु भ्यान दुर्घटना जुयाः नीम्ह सीगु दु । बाराय् जन्ती ज्वनाः वःगु भ्यानयात ट्रकं ठक्कर नकेवं भ्यानय् सवार निम्ह सीगु दु । दुर्घटनाय् झापा पान्डाङ-७ चेलुङया एमकान्त पौडेल व भ्यान चालक चितवन विद्यानगर-४या विनोद सुनुवार सीगु दु ।
पुर्व-पश्चिम राजमार्ग पथलैया-निजगढ सतक खण्डय् निजगढ पाखें पथलैया वनाच्वंगु ना. १. ख. ४३६३ नम्बरया ट्रक व चितवन शिवनगर पाखें झापाय् वनाच्वंगु ग. १. च. ३७४१ नम्बरया जन्ती ज्वनाः वःगु भ्यान दुर्घटना जूगु खः । उकी लानाः गंगा पौडेल, प्रतिक्ष पौडेल, दिपक सुनुवार, कोसिल्या सुवेदी व रामचन्द्र पौडेल घाःपाः जूगु दु । घाःपाः जूपिंत वीरगंजय् दुगु नारायणी उपक्षेत्रीय अस्पतालय् वासः याकातःगु दु ।
दुर्घटना लिपा प्रहरीं हरिहरपुरया ट्रक चालक नरबहादुर भुजेल व ट्रकयात नियन्त्रणय् काःगु दु ।
