ज्ञानेन्द्रपाखें वागेश्वरी द्येगलय् पुजा अर्चना

पुलांम्ह जुजु ज्ञानेन्द्र शाहं आइतवाः नेपालगञ्जया प्रसिद्ध वागेश्वरी भगवति द्येगलय् पुजा अर्चना यानादीगु दु । भगवति द्येगलय् वनेगु झ्वलय् ज्ञानेन्द्रयात जुजुवादी समर्थकतय्सं बीपी चोक निसें द्येग परिसर तकया सतकय् मुनाः अभिवादन याःगु खः । द्येगलय् पुजा अर्चन लिपा वय्कलं होटल स्नेहलय् नेपालगञ्जया थीथी ख्यःया व्यत्तित्व नाप खँल्हाबंला यानादीगु खः । उगु इलय् वय्कलं थ:म्हं देशय् विकास व शान्ति स्वयेचाहे जूगु धयादिल ।

वय्क थौं हे येँ लिहांझाय्गु ज्याझ्वः दुगु खःसां खराव मौसमया कारणं आः सोमवाः जक येँ लिहांझायादी ।