संविधासभा न्ह्यःने सत्याग्रह
येँ (सन्ध्या टाइम्स)/राष्ट्रिय प्रजातन्त्र पार्टी नेपालया नेता व कार्यकर्तातय्सं थौं संविधानसभाया न्ह्यःने सत्याग्रह धकाः धर्ना च्वनीगु जूगु दु। राजसंस्था, हिन्दू राष्ट्रया सवालय् जनमत संग्रह यायेमाःगु नापं जेष्ठ १४ गते लिपा चुनावय् वनेमाःगु माग यानाः उगु पार्टीं थौं सत्याग्रहया ज्याझ्वः घोषणा यानातःगु खः ।
न्हिनय् १ बजे बबरमहलंनिसें जुलुस यानाः वनेगु नापं २ घण्टा धर्ना च्वनेधुंकाः सभा यायेगु नापं संविधानसभाया नायः सुवास नेम्वाङयात ज्ञापन पौ बिइगु ज्याझ्वः तयातःगु दु ।
अथे हे स्वनिगःपिनेया न्हय्स्वंगुलिं हे जिल्लाय् नं जिल्ला प्रशासन ज्याकुथिइ धर्ना च्वनाः सिडीयो मार्फत सभामुखयात ज्ञापन पत्र बिइगु ज्याझ्वः तयातःगु दु ।
