थौं देय्न्यंकंया अस्पताल बन्द
येँ (सन्ध्या टाइम्स)/वीपी कोइराला मेमोरियल क्यान्सर अस्पतालया कार्यकारी निर्देशक डा. भक्तमान श्रेष्ठया अवस्था सार्वजनिक यायेमाःगु माग याना वयाच्वंपिं स्वास्थ्यकर्मीतय्सं थौं देय्न्यंकंया अस्पतालया आकस्मिक सेवा बाहेक फुक्कं बन्द याना बिउगु दु। डा. श्रेष्ठया अवस्था सार्वजनिक यायेत गृहमन्त्रालय असफल जूगु ठहर यानाः नेपाल प्रगतीशील जनस्वास्थ्यकर्मी संघ नापं २२ गू स्वास्थ्य संघ संस्थां मंकाः कथं संघर्ष समिति हे दयेकाः थौं स्वास्थ्य सेवा ठप्प याना बिउगु खः ।
थ्वहे झ्वलय् नेपाल चिकित्सक संघं थौं येँय् स्वास्थ्यकर्मीतय्गु मौन जुलुस पिकाइगु जूगु दु। क्यान्सर अस्पतालं छेँय् वनाच्वंगु इलय् वंगु मंगलवाःनिसें डा. श्रेष्ठ सम्पर्कविहीन जूगु दुसा वय्कःयात अपहरण याःगु आशंका यानाहःगु दु ।
