थौं नं माओवादीया केन्द्रीय मुँज्या
येँ (सन्ध्या टाइम्स)/ वंगु शुक्रवाः निसें न्ह्यानाः म्हिगः हे क्वचाइ धाःगु एकीकृत माओवादीया केन्द्रीय कमिटीया मुँज्या थौं नं न्ह्यानाच्वंगु दु। माओ वादी अध्यक्ष प्रचण्डं न्ह्यब्वयादीगु राजनीतिक प्रतिवेदनयात कयाः केन्द्रीय नेतातय्सं न्ववायेगु ज्या म्हिगः क्वमचाःगुलिं धकाः थौं नं मुँज्या च्वंगु खः। केन्द्रीय नेतातय्सं न्ववायेगु क्वचाये धुनेवं नायः प्रचण्ड लिसः बियाः राजनीतिक प्रतिवेदन संशोधन सहित पारित यानाः मुँज्या क्वचायेकी धाःगु दु ।
