संविधानसभायात १३ अर्ब खर्च
येँ (सन्ध्या टाइम्स)/न्हूगु संविधान दयेकेगु धकाः नीस्वंगु संविधानसभां वंगु निदँया दुने १३ अर्ब तका दां खर्च याःगु दु। थुकी मध्ये अप्वः दां सभासदतय् भत्ताय् खर्च जूगु खः ।
उकिसनं शीर्ष नेतातय्त बीगु भत्ता मेपिंत स्वयां अप्वः दु। थ्व निदँया दुने संविधानसभा अध्यक्षयात जक तलब भत्ता यानाः ३७ लाख ६१ हजार ७६० तका दां वंगु दु। थ्व संविधानसभाया लागिं सरकारं जक याःगु खर्च खः। थीथी गैरसरकारी संस्थातय्सं याःगु खर्च थुकी दुमथ्याः। अज्याःगु खर्च करिब ८ अर्ब ति जूगु दु। आः म्याद थपे यात धाःसा खर्च अझ अप्वइगु खँ धाःगु दु ।
